संघीय सरकारका शाखा अधिकृतहरुले धमाधम राजीनामा दिइरहँदा प्रदेशको उपसचिवले पनि जागिरबाट राजीनामा दिएका छन् । मुख्यमन्त्री तथा मन्त्रिपरिषद्को कार्यालयबाट नगरपालिकाको प्रमुख प्रशासकीय अधिकृतको रुपमा सरुवा भएका उपसचिव नवराज ओझाले सेवाबाट राजीनामा दिएका छन् । कैलालीको गोदावरी नगरपालिका–६ लालपुर घर भएका उपसचिव ओझा २९ वर्ष सरकारी सेवामा बिताएका उनी नासुबाट सरकारी सेवामा पाइला राखेका हुन । हाल उपसचिव रहेका ओझा अहिले मुख्यमन्त्री तथा मन्त्रिपरिषद्को कार्यालयको प्रवक्ताको भूमिका पनि निर्वाह गरिरहेका थिए ।
बिज्ञापन
मुख्यमन्त्री कार्यालयका प्रवक्ता समेत रहेका ओझालाई डडेल्धुराको अमरगढी नगरपालिकाको प्रमुख प्रशासकीय अधिकृतका रुपमा सरुवा गरेर पठाएको थियो । तर उनी नगरपालिकामा गएनन् । बरु ओझाले स्वास्थ्य अवस्था र व्यक्तिगत समस्या देखाउँदै प्रमुख सचिव वैकुण्ठ प्रसाद अर्याललाई राजीनामा पत्र बुझाएका हुन् ।
बिज्ञापन
